Կանխիկի (քեշի) կարևորությունը բիզնեսում․ Ինչու է լիկվիդայնությունը հաջողության բանալին

Յուրաքանչյուր հաջողակ բիզնեսի հայտնի է, որ փողը տնտեսության արյունն է։ Առանց cash-flow (դրամական հոսքեր) ճիշտ կառավարման ընկերությունները չեն կարողանա արդյունավետ գործել, աճել, զարգանալ և ադապտացվել շուկայի փոփոխություններին։ Չնայած նրան, որ շատ ձեռնարկատերեր ուշադրություն են դարձնում բիզնեսի շահույթի և վաճառքի ծավալներին, հենց քեշն է որոշիչ դեր խաղում բիզնեսի ամենօրյա գործունեության և երկարաժամկետ հաջողության գործում։

Ինչ է քեշը բիզնեսում

Քեշը կանխիկ կամ դրան համարժեք դրամական միջոցներն են, որոնք ընկերությունն օգտագործում է ընթացիկ պարտավորությունների մարման համար, օրինակ աշխատակիցների աշխատավարձերի մարում, գործառնական ծախսեր կամ զարգացման մեջ ներդրումներ։ Դրանք ոչ միայն եկամուտներ են, այլև միջոցներ, որոնք մնում են ընկերության հաշվին վերոնշյալ գործարքների իրականացումից հետո, ապահովելով ընկերության լիկվիդայնությունը։

1. Լիկվիդայնություն և կայունություն
Բիզնեսի համար կարևոր է ունենալ բավարար չափով լիկվիդային միջոցներ։ Առանց դրանց ընկերությունը չի կարող օպերատիվ արձագանքել չնախատեսված ծախսերին կամ նոր հնարավորություններին։ Օրինակ, եթե կարիք է առաջանում ապրանքի շտապ գնում իրականացնելու կամ նոր տեխնոլոգիայի ներդրման, միայն կանխիկ միջոցները կարող են ապահովել որոշումների արագ կայացում։ Իսկ եթե միջոցները սառեցված են երկարաժամկետ ակտիվներում կամ հաշիվներին, ապա ընկերությունը կարող է ճգնաժամի պահին բախվել դժվարությանը։

2. Լիկվիդայնության պակասի (դեֆիցիտի) ռիսկ
Առանց բավականաչափ քեշ-պահուստի հնարավոր է բախվել լիկվիդայնության դեֆիցիտի, ինչը կբերի պարտավորությունների մարման դժվարության կամ անհնարինության։ Նույնիսկ եկամտաբեր բիզնեսը կարող է հայտնվել դժվարին դրության մեջ, եթե դրա միջոցները տեղաբաշխված են այնպիսի երկարաժամկետ ակտիվներում, ինչպիսիք են ներդրումները կամ դեբիտորական պարտքերը։ Դա կարող է հանգեցնել վարկային պարտավորությունների մարման ուշացումների, աշխատավարձերի ուշացումների, իսկ ծայրահեղ դեպքերում նույնիսկ սնանկության։

3. Աճի և ներդրումների հնարավորություն
Քեշի ճիշտ կառավարումը հնարավորություն է տալիս ձեռնարկատիրոջն ակտիվ ներդրումներ կատարել բիզնեսի ընդլայնման մեջ։ Կանխիկ բավարար պահուստով հնարավոր է նոր ներդրումներ իրականացնել նոր նախագծերում, մարքեթինգում, ապրանքների և ծառայությունների տեսականու ընդլայնման, ինչպես նաև ենթակառուցվածքների զարգացման մեջ։ Այն ստեղծում է շուկայում մրցունակության բարձրացման և աճի պոտենցիալ։

4. Առավելություններ բանակցություններում և վարկավորման գործընթացում
Դրական քեշ-ֆլոուով ընկերություններն ունենում են առավել ուժեղ դիրքեր մատակարարների, գործընկերների և ֆինանսական հաստատությունների հետ բանակցություններում։ Լիկվիդայնության առկայությունը թույլ է տալիս ընկերություններին ավելի թեթև հաղթահարել ֆինանսական տատանումները և ճգնաժամերը, ամբողջությամբ չհիմնվելով ֆինանսավորման արտաքին աղբյուրների վրա։

Ինչպե՞ս արդյունավետ կառավարել քեշը բիզնեսում

1. Կանխատեսել դրամական հոսքերը․ կարևոր է հասկանալ երբ և որքան գումար է մուտքագրվելու և ելքագրվելու բիզնեսից, որպեսզի նախապես պլանավորվեն վճարումները և ներդրումները։

2. Ծախսերի օպտիմալացում․ ոչ անհրաժեշտ ծախսերի կրճատումը և վերահսկողությունը թույլ կտա լրացուցիչ միջոցներ ազատել բիզնեսի զարգացման համար։

3. Քեշ-պահուստի ձևավորում և պահպանում․ անվտանգության բարձիկի ստեղծումը թույլ կտա հաղթահարել ֆինանսական դժվարությունները, առանց բիզեսի նորմալ կենսագործունեության խաթարման։

4. Դեբիտորական պարտավորության մոնիթորինգ․ Ճիշտ ժամանակին պարտքերի հավաքագրումը և հաճախորդների վճարումների վերահսկողությունը կօգնի ապահովել կայուն դրամական հոսքեր։

Քեշը բիզնեսում պարզապես գումար չէ, այն հիմքն է, որի վրա կառուցվում է ընկերության կայունությունը և նրա ունակությունը ադապտացվել արտաքին միջավայրի փոփոխություններին։ Լիկվիդայնության կառավարումը և դրամական միջոցների գրագետ տեղաբաշխումը թույլ է տալիս բիզնեսին ոչ միայն գոյատևել, այլև արդյունավետ կերպով զարգանալ։ Կարևոր է հիշել՝ շահույթը կարևոր է, սակայն քեշը թույլ է տալիս բիզնեսին ժամանակակից տնտեսության պայմաններում լինել ճկուն և կենդանի։